1. Bosh sahifa
  2. Hujjatlar

Maxfiylik siyosati

Ushbu siyosat Savatim xizmati — Telegram bot @savatimuzbot, undagi Mini App, Savatim mobil ilovasi (Android, uz.savatim.main) va savatim.uz sayti — sizning shaxsiy ma’lumotlaringizni qanday yig‘ishi, ishlatishi va himoya qilishini tushuntiradi. Biz O‘zbekiston Respublikasining «Shaxsga doir ma’lumotlar to‘g‘risida»gi Qonuni (O‘RQ-547) talablariga amal qilamiz.

Kuchga kirgan sana: 2026-yil 18-oktabrO‘qish: ~3 daqiqa

Qanday ma’lumotlarni yig‘amiz #

Ma’lumotQachonNima uchun
Telefon raqamiKirishda, buyurtmadaHisobga kirish (SMS yoki Telegram kodi), kuryer va do‘kon siz bilan bog‘lanishi
Ism va familiyaRo‘yxatdan o‘tishda, TelegramdanBuyurtmani kimga topshirishni bilish, murojaat
Telegram ma’lumotlari: ID, username, profil rasmi, tilBot yoki Mini App orqali kirganingizdaHisobni tanish, bot orqali xabar yuborish
Yetkazish manzillari va xaritadagi nuqtaManzil qo‘shganingizdaYetkazish, narx va vaqtni hisoblash, sizga eng yaqin do‘konni tanlash
Joylashuv (GPS)Ruxsat bersangiz: saqlangan manzilingiz bo‘lmaganda katalogni ochganingizda va «Mening joylashuvim» tugmasini bosganingizdaSizga yaqin do‘kon, yetkazish narxi va vaqtini ko‘rsatish, xaritada manzilni tez belgilash. Faqat ilova ochiq paytda, fonda yig‘ilmaydi; nuqta saqlanmaydi, faqat manzil sifatida o‘zingiz saqlaganingizda qoladi
Buyurtmalar tarixi, savat, sevimlilarXizmatdan foydalanganingizdaBuyurtmani bajarish, qayta buyurtma, tavsiyalar, keshbek
To‘lov ma’lumotlariKarta orqali o‘tkazmadaTo‘lovni tasdiqlash: summa, vaqt va bankning xabarnomasi. Karta raqamingiz, muddati yoki CVV kodini biz so‘ramaymiz va saqlamaymiz
Qo‘llab-quvvatlash yozishmalariBizga yozganingizdaMurojaatingizga javob berish
Baholar va izohlarBuyurtmani baholaganingizdaXizmat sifatini yaxshilash
Qurilma tokeni (Firebase Cloud Messaging)Ilovada bildirishnomalarga ruxsat berganingizdaBuyurtma holati, eslatmalar va aksiyalar haqida push-xabar yuborish
Texnik ma’lumotlar: IP-manzil, qurilma va ilova versiyasi, so‘rovlar jurnaliHar bir so‘rovdaXavfsizlik, firibgarlikka qarshi kurash, xatolarni tuzatish

Biz reklama identifikatorlarini yig‘maymiz, ilovada reklama yo‘q va ma’lumotlaringizni sotmaymiz.

Ma’lumotlarni kimlar ko‘radi #

  • Buyurtmangizni bajaruvchi do‘kon va kuryer — faqat buyurtma uchun kerakli qismi: ism, telefon, manzil, buyurtma tarkibi.
  • Google Firebase — push-xabarlarni yetkazish uchun (qurilma tokeni).
  • Telegram — bot va Mini App orqali muloqot va kirish kodlari uchun.
  • SMS provayderlari (Eskiz.uz, DevSMS.uz) — kirish kodini SMS orqali yuborish uchun (faqat telefon raqami va kod).
  • Xosting — serverlarimiz O‘zbekiston Respublikasi hududida joylashgan; ma’lumotlar bazasi shu yerda saqlanadi.
  • Davlat organlari — faqat qonunda belgilangan hollarda.

Qancha saqlaymiz #

  • Hisob ma’lumotlari — hisobingiz faol bo‘lgan muddat davomida.
  • Buyurtmalar va to‘lovlar — buxgalteriya va soliq qonunchiligi talab qiladigan muddat davomida; hisob o‘chirilganda ular sizni tanib bo‘lmaydigan qilib anonimlashtiriladi.
  • Kirish kodlari — bir necha daqiqa; texnik jurnallar — odatda 30 kungacha.
  • Qurilma tokeni — tizimdan chiqqaningizda yoki u eskirganda o‘chiriladi.

Hisobni va ma’lumotlarni o‘chirish #

Hisobingizni ilovaning «Profil» bo‘limidagi «Hisobni o‘chirish» tugmasi orqali yoki savatim.uz/hisobni-ochirish sahifasidagi ko‘rsatma bo‘yicha o‘chirishingiz mumkin. So‘rovdan keyin 7 kun ichida fikringizni o‘zgartirsangiz, qayta kirib bekor qilishingiz mumkin; shundan so‘ng ismingiz, telefoningiz, manzillaringiz, Telegram ma’lumotlaringiz, qurilma tokenlari va yozishmalaringiz o‘chiriladi. Buyurtmalar faqat anonim ko‘rinishda, hisob-kitob uchun qoladi.

Sizning huquqlaringiz #

Siz o‘zingiz haqingizdagi ma’lumotlarni bilish, ularni tuzatish, o‘chirishni talab qilish va ularni qayta ishlashga roziligingizni qaytarib olish huquqiga egasiz. Aksiya xabarlaridan ilova sozlamalarida yoki botda istalgan vaqtda voz kechish mumkin.

Xavfsizlik #

Barcha ma’lumotlar HTTPS (TLS) orqali shifrlangan holda uzatiladi. Serverlarga kirish cheklangan, xodimlar faqat ishi uchun kerakli ma’lumotni ko‘radi va harakatlari jurnalga yoziladi.

Bolalar #

Xizmat 16 yoshdan kichik bolalarga mo‘ljallanmagan va biz ulardan ataylab ma’lumot yig‘maymiz.

O‘zgarishlar #

Siyosat o‘zgarsa, yangi tahrir shu sahifada sanasi bilan e’lon qilinadi; muhim o‘zgarishlar haqida bot yoki ilova orqali xabar beramiz.

Aloqa #

Savollar va so‘rovlar uchun: Telegram @savatimuzbot (yoki ilovadagi «Qo‘llab-quvvatlash» bo‘limi). Manzil: Guliston shahri, Sirdaryo viloyati, O‘zbekiston.